धोरण

ज्ञान

ज्ञानाची महती ही त्रिकाळीत आहे. इतरांपेक्षा वेगळी उत्पादनं देण्यासाठी या ज्ञानाचा वापर करणं हेच आमचं धोरण आहे. बायोमासचा वापर आणि अनुप्रयोग या क्षेत्रात आम्ही संधी शोधू.

हाच दृष्टीकोन आमच्या धोरणांचा आधार आहे तसंच ऊसापासून साखर, काकवी, काकवीपासून इथेनॉल आणि इथेनॉल आधारित अॅसिटाल्डिहाइड, ईथाइल अॅसिटेटसारखी इतर रसायनं आणि उत्पादनं निर्माण करण्यातही याच दृष्टीकोनाची मदत आम्हाला झाली आहे. ऊसापासून मेण तयार करणे, विनोसे पासून बायोगॅस तयार करण्यासारख्या क्षेत्रात आम्ही काम केलेले आहे. आणि आता आम्ही बायोमासचं सेल्यूलोज, हेमिसेल्युलोज लिग्निन आणि इतर संलग्न उत्पादन निर्माण करण्यासाठी प्रयत्नशील आहोत. साखरेचं फर्मेंटेशन (आंबवणं) करून उच्चमूल्यित उत्पादनं तयार करण्याच्या दृष्टीनेही आमचं काम सुरू आहे. या क्षेत्रातील आमच्या ज्ञानवर्धनासाठी, आमच्या बौद्धिक संपदेचं रक्षण करण्यासाठी आणि जिथे गरज आहे तिथे परवाना प्राप्त करण्यासाठी आमचे संशोधक कार्यरत आहेत.

उत्पादनाविषयीच्या ज्ञानाला अनुप्रयोगाच्या ज्ञानाचा आधार असावा लागतो आणि ग्राहकांशी चांगले संबंधही. या दोहोंचा एकत्रितपणे स्पर्धात्मक फायदा होतो. ग्राहकांच्या गरजा पूर्ण करण्यासाठी नवनवीन उत्पादननिर्मितीकरता खाणकाम, कोटिंग्ज, अॅडिटिव्ह्ज इतकंच नाही तर शरीरात कार्यरत असणा-या स्टेम सेल्सवरही आमचे संशोधक काम करत आहेत.

ऊसाची नवीन प्रकार विकसित करण्यासाठी शेती आणि कृषीमृदाविज्ञान विषयातील आमच्या ज्ञानाचा आम्हाला उपयोग झाला आहे. आत्ताच्या इंटरनेटच्या युगात आणि आम्ही नवतंत्रज्ञानाला सोबत घेऊन शेतक-यांना मदत करत आहोत.

शाश्वतता

जमीन आणि शेतकरी

शेतीतून येणारा कच्चा माल आणि जळणाचा वापर हाच आमचा दृष्टीकोन असल्यामुळे शाश्वततेसाठी आम्हाला शेतकरी आणि त्यांच्या जमिनीचा वापर करणं गरजेचं आहे. जमीन निरोगी तर तिच्या गर्भातून येणारा परतावाही निरोगी. जर शेतकरी समृद्ध होत असेल आणि जमीन निरोगी, सुपीक असेल तरच आमची आणि अप्रत्यक्षरित्या आपणा सर्वांची वाढ होईल. शेतातून अधिक उत्पादकता आणण्यासाठी शेतक-याला मदत करणे आणि त्यांच्या मिळकतीमध्ये लक्षणीय वाढ करणं तसंच राहणीमानात सुधारण करत त्यांना शाश्वततेकडे नेणं हेच आमचं धोरण आहे. अनेक दशकांपासून शेतक-यांशी असणारी व्यापक भागीदारीतून आलेला अनुभव आणि मिळालेली शिकवण यावरच आमचं धोरण आधारलेलं आहे. विविध कृषीसंस्था, संशोधन संस्था, शिक्षणतज्ज्ञ तसंच तज्ज्ञांशी असणा-या सहयोगातून त्याला वृद्धिंगत करण्याचा आमचा मानस आहे. कमीत कमी जमिनीतून, रसायनांचा, पाण्याचा तसंच नैसर्गिक साधनसंपत्तीचा कमीत कमी वापर करत, अधिकाधिक निर्मिती करणं हे आमचं धोरण आहे.

शेतक-यांचं शिक्षण, जागरूकता आणि सहभागातून आम्ही हे साध्य करत आहोत. शेतक-यांना सगळ्याच्या केंद्रस्थानी ठेऊनच आम्ही आमचं धोरण आखत असतो. त्यामुळेच आम्ही शेतीविषयीच्या शाश्वततेची तसंच आमच्या शेतक-यांच्या समृद्धीची तजवीज करू शकतो.

प्रक्रिया

कारखानदारी प्रक्रियेलाही अल्पातून अधिक हा नियम लागू होतो. ऊर्जा, पाण्याच्या वापरासाठी, कच-याची कपात तसंच पुनर्वापराच्या माध्यमातून आम्ही हा नियम पाळत आहोत. खरंतर आम्ही कच-याकडे यशस्वी उत्पादनासाठीचा एक सशक्त स्रोत या नजरेने पाहतो. कार्बन उत्सर्जनाचीही आम्हाला जाणीव आहे. युएनएफसीसीसी प्रोग्रामच्या अंतर्गत आमच्या अनेक प्रकल्पांना यापूर्वी कार्बन क्रेडिट्स मिळालेली आहेत.

अक्षय स्रोतांपासून तयार होणा-या रसायनांची गरज पूर्ण करणं हे आमचं धोरण आहे. शाश्वत पद्धतींच्या माध्यमातून आम्ही विविध औद्योगिक क्षेत्रातल्या आमच्या ग्राहकांच्या गरजा पूर्ण करत आहोत.